tere ghar aaen to iman ko kis par chhoDen
hum to kabe hi mein ai dushman-e-din achchhe hain

Muztar Khairabadi

---

---

tere mu-e-mizha khaTakte hain
dil ke chhaalon mein nok-e-KHar kahan

Muztar Khairabadi

---

---

teri rahmat ka nam sun sun kar
mubtala ho gaya gunahon mein

Muztar Khairabadi

---

---

teri uljhi hui baaton se mera dil uljha
tere bikhre hue baalon ne pareshan kiya

Muztar Khairabadi

---

---

Thaharna dil mein kuchh behtar na jaana
bhare ghar ko unhon ne ghar na jaana

Muztar Khairabadi

---

---

tum agar chaho to miTTi se abhi paida hon phul
main agar mangun to dariya bhi na de pani mujhe

Muztar Khairabadi

---

---

tum kyun shab-e-judai parde mein chhup gae ho
qismat ke aur tare sab aasman par hain

Muztar Khairabadi

---

---

us se kah do ki wo jafa na kare
kahin mujh sa use KHuda na kare

Muztar Khairabadi

---

---

unhon ne kya na kiya aur kya nahin karte
hazar kuchh ho magar ek wafa nahin karte

Muztar Khairabadi

---

---