sadma but-e-kafir ki mohabbat ka na puchho
ye choT to kabe hi ke patthar se lagi hai

Muztar Khairabadi

---

---

qabr par kya hua jo mela hai
marne wala nira akela hai

Muztar Khairabadi

---

---

qasid ne KHabar aamad-e-dilbar ki uDa di
aaya bhi to kam-baKHt ne be-par ki uDa di

Muztar Khairabadi

---

---

phunke deta hai kisi ka soz-e-pinhani mujhe
ab to meri aankh bhi deti nahin pani mujhe

Muztar Khairabadi

---

---

parde wale bhi kahin aate hain ghar se bahar
ab jo aa baiThe ho tum dil mein to baiThe rahna

Muztar Khairabadi

---

---

pahle hum mein the aur ab hum se juda rahte hain
aap kahe ko gharibon se KHafa rahte hain

Muztar Khairabadi

---

---

paDa hun is tarah us dar pe 'muztar'
koi dekhe to jaane mar Dala

Muztar Khairabadi

---

---

paD gae zulfon ke phande aur bhi
ab to ye uljhan hai chande aur bhi

Muztar Khairabadi

---

---

nigahon mein phirti hai aaThon-pahar
qayamat bhi zalim ka qad ho gai

Muztar Khairabadi

---

---