ai buto ranj ke sathi ho na aaram ke tum
kaam hi jab nahin aate ho to kis kaam ke tum

Muztar Khairabadi

---

---

aaina dekh kar ghurur fuzul
baat wo kar jo dusra na kare

Muztar Khairabadi

---

---

agar taqdir sidhi hai to KHud ho jaoge sidhe
KHafa baiThe raho tum ko manane kaun aata hai

Muztar Khairabadi

---

---

adu ko chhoD do phir jaan bhi mango to hazir hai
tum aisa kar nahin sakte to aisa ho nahin sakta

Muztar Khairabadi

---

---

ab kaun phire ku-e-but-e-dushman-e-din se
allah ke ghar kyun na chale jaen yahin se

Muztar Khairabadi

---

---

aashiqon ki ruh ko talim-e-wahdat ke liye
jis jagah allah rahta hai wahan rahna paDa

Muztar Khairabadi

---

---

aap se mujh ko mohabbat jo nahin hai na sahi
aur ba-qaul aap ke hone ko agar hai bhi to kya

Muztar Khairabadi

---

---

aah-e-rasa KHuda ke liye dekh-bhaal ke
un ka bhi ghar mila hua dushman ke ghar se hai

Muztar Khairabadi

---

---

aao to mere aaina-e-dil ke samne
aisa hasin dikhaun ki aisa na ho kahin

Muztar Khairabadi

---

---