yahi surat wahan thi be-zarurat but-kada chhoDa
KHuda ke ghar mein rakkha kya hai nahaq itni dur aae

Muztar Khairabadi

---

---

ye naqsha hai ki munh takne laga hai muddaa mera
ye haalat hai ki surat dekhta hai muddai meri

Muztar Khairabadi

---

---

ye paida hote hi rona sarihan bad-shuguni hai
musibat mein rahenge aur musibat le ke uTThenge

Muztar Khairabadi

---

---

ye to mumkin nahin mohabbat mein
aap jo kuchh kahen wo hum na karen

Muztar Khairabadi

---

---

ye to samjha main KHuda ko ki KHuda hai lekin
ye na samjha ki samajh mein meri kyunkar aaya

Muztar Khairabadi

---

---

yun kahin Dub ke mar jaun to achchha hai magar
aap ki chah ka pani nahin bharna mujh ko

Muztar Khairabadi

---

---

zahid to baKHshe jaen gunahgar munh taken
ai rahmat-e-KHuda tujhe aisa na chahiye

Muztar Khairabadi

---

---

zaban qasid ki 'muztar' kaT li jab un ko KHat bheja
ki aaKHir aadmi hai tazkira shayad kahin kar de

Muztar Khairabadi

---

---

zulf ka haal tak kabhi na suna
kyun pareshan mera dimagh hua

Muztar Khairabadi

---

---