ahbab-o-aqarib ke bartaw koi dekhe
awwal to mujhe gaDha upar se dabaate hain
Muztar Khairabadi
ai buto ranj ke sathi ho na aaram ke tum
kaam hi jab nahin aate ho to kis kaam ke tum
Muztar Khairabadi
ai hina rang-e-mohabbat to hai mujh mein bhi nihan
tere dhoke mein koi pis na Dale mujh ko
Muztar Khairabadi
ai ishq kahin le chal ye dair-o-haram chhuTen
in donon makanon mein jhagDa nazar aata hai
Muztar Khairabadi
ai KHuda duniya pe ab qabza buton ka chahiye
ek ghar tere liye in sab ne KHali kar diya
Muztar Khairabadi
aisi qismat kahan ki jam aata
bu-e-mai bhi idhar nahin aai
That I would get a goblet it was'nt my fate
now even the whiff of wine does'nt permeate
Muztar Khairabadi
apne dil ko teri aankhon pe fida karta hun
aaj bimar pe bimar ki qurbani hai
Muztar Khairabadi
apni mahfil mein raqibon ko bulaya us ne
un mein bhi KHas unhen jin ki zarurat dekhi
Muztar Khairabadi
asir-e-panja-e-ahd-e-shabab kar ke mujhe
kahan gaya mera bachpan KHarab kar ke mujhe
Muztar Khairabadi