راہ پر ان کو لگا لائے تو ہیں باتوں میں
اور کھل جائیں گے دو چار ملاقاتوں میں

میر اثر

---

---

پہلے سو بار ادھر ادھر دیکھا
جب تجھے ڈر کے اک نظر دیکھا

میر اثر

---

---

نہ کہا جائے کہ دشمن نہ کہا جائے کہ دوست
کچھ سمجھ میں نہیں آتا ہے اثرؔ کون ہے وہ

میر اثر

---

---

آسودگی کہاں جو دل زار ساتھ ہے
مرنے کے بعد بھی یہی آزار ساتھ ہے

میر اثر

---

---

کیا کہوں کس طرح سے جیتا ہوں
غم کو کھاتا ہوں آنسو پیتا ہوں

میر اثر

---

---

کچھ نہ لکھا نہ پڑھا ہوں ولے ہوں معنی شناس
مدعا تیرا سمجھتا ہوں عبارات سے میں

میر اثر

---

---

کن نے کہا اور سے نہ مل تو
پر ہم سے بھی کبھو ملا کر

میر اثر

---

---

کام تجھ سے ابھی تو ساقی ہے
کہ ذرا ہم کو ہوش باقی ہے

میر اثر

---

---

جس گھڑی گھورتے ہو غصہ سے
نکلے پڑتا ہے پیار آنکھوں میں

میر اثر

---

---