ab jis taraf se chahe guzar jae karwan
viraniyan to sab mere dil mein utar gain

Kaifi Azmi

---

---

itna to zindagi mein kisi ke KHalal paDe
hansne se ho sukun na rone se kal paDe

Kaifi Azmi

---

---

insan ki KHwahishon ki koi intiha nahin
do gaz zamin bhi chahiye do gaz kafan ke baad

Kaifi Azmi

---

---

ghurbat ki ThanDi chhanw mein yaad aai us ki dhup
qadr-e-watan hui hamein tark-e-watan ke baad

Kaifi Azmi

---

---

gar Dubna hi apna muqaddar hai to suno
Dubenge hum zarur magar naKHuda ke sath

Kaifi Azmi

---

---

elche lao kholo zamin ki tahen
main kahan dafn hun kuchh pata to chale

Kaifi Azmi

---

---

asti mein apni hindu musalman jo bas gae
insan ki shakl dekhne ko hum taras gae

Kaifi Azmi

---

---

as ek jhijak hai yahi haal-e-dil sunane mein
ki tera zikr bhi aaega is fasane mein

Kaifi Azmi

---

---

ahaar aae to mera salam kah dena
mujhe to aaj talab kar liya hai sahra ne

Kaifi Azmi

---

---