sabhi inam nit pate hain ai shirin-dahan tujh se
kabhu tu ek bose se hamara munh bhi miTha ka

Jurat Qalandar Bakhsh

---

---

sar dije rah-e-ishq mein par munh na moDiye
patthar ki si lakir hai ye koh-kan ki baat

Jurat Qalandar Bakhsh

---

---

shagird-e-rashid aap sa hun shaiKH-ji sahib
kuchh ilm o amal tum ne na shaitan mein chhoDa

Jurat Qalandar Bakhsh

---

---

shayad usi ka zikr ho yaro main is liye
sunta hun gosh-e-dil se har ek mard-o-zan ki baat

Jurat Qalandar Bakhsh

---

---

shab KHwab mein jo us ke dahan se dahan laga
khulte hi aankh kanpne sara badan laga

Jurat Qalandar Bakhsh

---

---

shaiKH-ji hum to hain nadan par use aane do
hum bhi puchhenge hui aap ki danai kya

Jurat Qalandar Bakhsh

---

---

sikhiye 'jurat' kisi se koi bazi koi khel
is bahane se koi wan hum ko le to jaega

Jurat Qalandar Bakhsh

---

---

sun wasf-e-dahan dijiye kuchh munh se piyare
mujh shaer-e-muflis ki hai guzran sile pa

Jurat Qalandar Bakhsh

---

---

ta-falak le gai betabi-e-dil tab bole
hazrat-e-ishq ki pahla hai ye zina apna

Jurat Qalandar Bakhsh

---

---