nahin til dharne ki jagah jo ba-afzuni-e-husn
dekha shab us ko to ek KHal ba-ruKHsar na tha

Jurat Qalandar Bakhsh

---

---

naseh mere rone ka na mane ho ki aashiq
gar ye na kare kaam to phir kaam kare kya

Jurat Qalandar Bakhsh

---

---

naseh bahut ba-fikr-e-rafu tha pe jun hubab
mutlaq na us ke hath mera pairahan laga

Jurat Qalandar Bakhsh

---

---

na hai ab KHak-afshani na hairani na uryani
junun gar aa gaya to le ke sab saman aawega

Jurat Qalandar Bakhsh

---

---

mujh mast ko kyun bhae na wo sanwli surat
ji dauDe hai mai-kash ka ghiza-e-namakin pa

Jurat Qalandar Bakhsh

---

---

mujh ko hua ye KHak-nashini se faeda
tha dil ke aaine pe jo kuchh rang uD gaya

Jurat Qalandar Bakhsh

---

---

mil gae the ek bar us ke jo mere lab se lab
umr bhar honTon pe apne main zaban phera kiye

Jurat Qalandar Bakhsh

---

---

KHuban-e-jahan ki hai tere husn se KHubi
tu KHub na hota to koi KHub na hota

Jurat Qalandar Bakhsh

---

---

KHalal ek paD gaya nahaq gul o bulbul ki sohbat mein
abas khola tha tu ne bagh mein ai gul badan apna

Jurat Qalandar Bakhsh

---

---