wah main aur na aane ko kahunga tauba
main to hairan hun ye baat aap ne farmai kya

Jurat Qalandar Bakhsh

---

---

warasta kar diya jise ulfat ne bas wo shaKHs
kab dam-e-kufr o rishta-e-islam mein phansa

Jurat Qalandar Bakhsh

---

---

yan zist ka KHatra nahin han khinchiye talwar
wo ghair tha jo dekh ke samsam Dare tha

Jurat Qalandar Bakhsh

---

---

yaad kya aata hai wo mera lage jaana aur aah
pichhe haT kar us ka ye kahna koi aa jaega

Jurat Qalandar Bakhsh

---

---

ye aag laga di ki nahin anjum-o-aflak
ye dagh pe hai dagh ye chhaale pe hai chhaala

Jurat Qalandar Bakhsh

---

---

ye sawad-e-shahr aur aisa kahan husn-e-malih
shash-jihat mein mulk dekha hi nahin punjab sa

Jurat Qalandar Bakhsh

---

---

yun qatre mere KHun ke us tegh se guzre
jun fauj ka pul par se ho dushwar utara

Jurat Qalandar Bakhsh

---

---

yun uThe wo bazm mein tazim ko ghairon ki hae
ham-nashin tu baiTh yan hum se na baiTha jaega

Jurat Qalandar Bakhsh

---

---

zahida zohd tu paDha, main ishq
hai meri aur teri kitab mein farq

Jurat Qalandar Bakhsh

---

---