us shaKHs ne kal haton hi haton mein falak par
sau bar chaDhaya mujhe sau bar utara

Jurat Qalandar Bakhsh

---

---

us ghar ke dar pe jab hue hum KHak tab khula
darwaza aane jaane ko aur yan hai dusra

Jurat Qalandar Bakhsh

---

---

tujh sa jo koi tujh ko mil jaega to baaten
meri tarah se tu bhi chupka suna karega

Jurat Qalandar Bakhsh

---

---

sabhi inam nit pate hain ai shirin-dahan tujh se
kabhu tu ek bose se hamara munh bhi miTha ka

Jurat Qalandar Bakhsh

---

---

shayad usi ka zikr ho yaro main is liye
sunta hun gosh-e-dil se har ek mard-o-zan ki baat

Jurat Qalandar Bakhsh

---

---

shagird-e-rashid aap sa hun shaiKH-ji sahib
kuchh ilm o amal tum ne na shaitan mein chhoDa

Jurat Qalandar Bakhsh

---

---

sar dije rah-e-ishq mein par munh na moDiye
patthar ki si lakir hai ye koh-kan ki baat

Jurat Qalandar Bakhsh

---

---

oun to KHush ho ke piye hai wo mai
samjhe hai mausam ise barsat ka

Jurat Qalandar Bakhsh

---

---

akhe hai lazzat-e-bosa se mujh ko gar mahrum
to apne tu bhi na honTon talak zaban pahuncha

Jurat Qalandar Bakhsh

---

---