ghar se hum ghar talak gae honge
apne hi aap tak gae honge
Jaun Eliya
ganwai kis ki tamanna mein zindagi main ne
wo kaun hai jise dekha nahin kabhi main ne
Jaun Eliya
fulan se thi ghazal behtar fulan ki
fulan ke zaKHm achchhe the fulan se
Jaun Eliya
ek qattala chahiye hum ko
hum ye ealan-e-am kar rahe hain
Jaun Eliya
ek hi to hawas rahi hai hamein
apni haalat tabah ki jae
Jaun Eliya
ek hi hadsa to hai aur wo ye ki aaj tak
baat nahin kahi gai baat nahin suni gai
Jaun Eliya
do jahan se guzar gaya phir bhi
main raha KHud ko umr bhar darpesh
Jaun Eliya
dil ki taklif kam nahin karte
ab koi shikwa hum nahin karte
Jaun Eliya
dad-o-tahsin ka ye shor hai kyun
hum to KHud se kalam kar rahe hain
Jaun Eliya