دلبری جذب محبت کا کرشمہ ہے فقط
کچھ کرامت نہیں جادو نہیں اعجاز نہیں

اسماعیلؔ میرٹھی

---

---

دوستی اور کسی غرض کے لئے
وہ تجارت ہے دوستی ہی نہیں

اسماعیلؔ میرٹھی

---

---

گر دیکھیے تو خاطر ناشاد شاد ہے
سچ پوچھیے تو ہے دل ناکام کام کا

اسماعیلؔ میرٹھی

---

---

گر خندہ یاد آئے تو سینہ کو چاک کر
گر غمزہ یاد آئے تو زخم سناں اٹھا

اسماعیلؔ میرٹھی

---

---

حبس دوام تو نہیں دنیا کہ مر رہوں
کاہے کو گھر خیال کروں رہ گزر کو میں

اسماعیلؔ میرٹھی

---

---

ہے آج رخ ہوا کا موافق تو چل نکل
کل کی کسے خبر ہے کدھر کی ہوا چلے

اسماعیلؔ میرٹھی

---

---

آغاز عشق عمر کا انجام ہو گیا
ناکامیوں کے غم میں مرا کام ہو گیا

اسماعیلؔ میرٹھی

---

---

ہے اشک و آہ راس ہمارے مزاج کو
یعنی پلے ہوئے اسی آب و ہوا کے ہیں

اسماعیلؔ میرٹھی

---

---

ہے اس انجمن میں یکساں عدم و وجود میرا
کہ جو میں یہاں نہ ہوتا یہی کاروبار ہوتا

اسماعیلؔ میرٹھی

---

---