pa raha hai dil musibat ke maze
aae lab par shikwa-e-bedad kya

Imdad Imam Asar

---

---

KHub-o-zisht-e-jahan ka farq na puchh
maut jab aai sab barabar tha

Imdad Imam Asar

---

---

kuchh samajh kar us mah-e-KHubi se ki thi dosti
ye na samjhe the ki dushman aasman ho jaega

Imdad Imam Asar

---

---

log jab tera nam lete hain
hum kaleje ko tham lete hain

Imdad Imam Asar

---

---

mar hi kar uTThenge tere dar se hum
aa ke jab baiThe to phir uTh jaen kya

Imdad Imam Asar

---

---

muft bosa hasin nahin dete
dil jo dete hain dam lete hain

Imdad Imam Asar

---

---

mushkil ka samna ho to himmat na haariye
himmat hai shart sahib-e-himmat se kya na ho

Imdad Imam Asar

---

---

tumhaare aashiqon mein be-qarari kya hi phaili hai
jidhar dekho jigar thame hue do-chaar baiThe hain

Imdad Imam Asar

---

---

teri jaanib se mujh pe kya na hua
KHair guzri ki tu KHuda na hua

Imdad Imam Asar

---

---