hai mashq-e-suKHan jari chakki ki mashaqqat bhi
ek turfa tamasha hai 'hasrat' ki tabiat bhi
Hasrat Mohani
aaine mein wo dekh rahe the bahaar-e-husn
aaya mera KHayal to sharma ke rah gae
Hasrat Mohani
guzre bahut ustad magar rang-e-asar mein
be-misl hai 'hasrat' suKHan-e-'mir' abhi tak
Hasrat Mohani
ghurbat ki subh mein bhi nahin hai wo raushni
jo raushni ki sham-e-sawad-e-watan mein tha
Hasrat Mohani
gham-e-arzu ka 'hasrat' sabab aur kya bataun
meri himmaton ki pasti mere shauq ki bulandi
Hasrat Mohani
ghair ki nazron se bach kar sab ki marzi ke KHilaf
wo tera chori-chhupe raaton ko aana yaad hai
Hasrat Mohani
dopahar ki dhup mein mere bulane ke liye
wo tera koThe pe nange panw aana yaad hai
Hasrat Mohani
dilon ko fikr-e-do-alam se kar diya aazad
tere junun ka KHuda silsila daraaz kare
Hasrat Mohani
dil ko KHayal-e-yar ne maKHmur kar diya
saghar ko rang-e-baada ne pur-nur kar diya
Hasrat Mohani