dawa-e-ashiqi hai to 'hasrat' karo nibah
ye kya ke ibtida hi mein ghabra ke rah gae

Hasrat Mohani

---

---

dekha kiye wo mast nigahon se bar bar
jab tak sharab aai kai daur ho gae

she often looks my way with her intoxicating eyes
many rounds are done even before the wine arrives

Hasrat Mohani

---

---

dekhne aae the wo apni mohabbat ka asar
kahne ko ye hai ki aae hain ayaadat kar ke

Hasrat Mohani

---

---

dil ko KHayal-e-yar ne maKHmur kar diya
saghar ko rang-e-baada ne pur-nur kar diya

Hasrat Mohani

---

---

dilon ko fikr-e-do-alam se kar diya aazad
tere junun ka KHuda silsila daraaz kare

Hasrat Mohani

---

---

dopahar ki dhup mein mere bulane ke liye
wo tera koThe pe nange panw aana yaad hai

Hasrat Mohani

---

---

ghair ki nazron se bach kar sab ki marzi ke KHilaf
wo tera chori-chhupe raaton ko aana yaad hai

Hasrat Mohani

---

---

gham-e-arzu ka 'hasrat' sabab aur kya bataun
meri himmaton ki pasti mere shauq ki bulandi

Hasrat Mohani

---

---

ghurbat ki subh mein bhi nahin hai wo raushni
jo raushni ki sham-e-sawad-e-watan mein tha

Hasrat Mohani

---

---