arq ko abr ke daman mein chhupa dekha hai
hum ne us shoKH ko majbur-e-haya dekha hai

hidden midst the clouds, lightning I did see
that sprite was today subdued by modesty

Hasrat Mohani

---

---

aaine mein wo dekh rahe the bahaar-e-husn
aaya mera KHayal to sharma ke rah gae

Hasrat Mohani

---

---

e-zabani tarjuman-e-shauq behad ho to ho
warna pesh-e-yar kaam aati hai taqriren kahin

Hasrat Mohani

---

---

hul hi jaen hum ko ye to na ho
log mere liye dua na karen

Hasrat Mohani

---

---

chheD nahaq na ai nasim-e-bahaar
sair-e-gul ka yahan kise hai dimagh

Hasrat Mohani

---

---

chheDa hai dast-e-shauq ne mujh se KHafa hain wo
goya ki apne dil pe mujhe iKHtiyar hai

Hasrat Mohani

---

---

chhup nahin sakti chhupane se mohabbat ki nazar
paD hi jati hai ruKH-e-yar pe hasrat ki naza

Hasrat Mohani

---

---

chori chori hum se tum aa kar mile the jis jagah
muddaten guzrin par ab tak wo Thikana yaad hai

Hasrat Mohani

---

---

chupke chupke raat din aansu bahana yaad hai
hum ko ab tak aashiqi ka wo zamana yaad hai

Hasrat Mohani

---

---