کعبے میں ہو یا بت خانے میں ہونے کو تو سر خم ہوتا ہے
ہوتا ہے جہاں تو جلوہ نما کچھ اور ہی عالم ہوتا ہے

فگار اناوی

---

---

قدم قدم پہ دونوں جرم عشق میں شریک ہیں
نظر کو بے خطا کہوں کہ دل کو بے خطا کہوں

فگار اناوی

---

---

ساقی نے نگاہوں سے پلا دی ہے غضب کی
رندان ازل دیکھیے کب ہوش میں آئیں

فگار اناوی

---

---

سر محفل ہمارے دل کو لوٹا چشم ساقی نے
ادھر تقدیر گردش میں ادھر گردش میں جام آیا

فگار اناوی

---

---

شکست دل کی ہر آواز حشر آثار ہوتی ہے
مگر سوئی ہوئی دنیا کہاں بیدار ہوتی ہے

فگار اناوی

---

---

ترے غم کے سامنے کچھ غم دو جہاں نہیں ہے
ہے جہاں ترا تصور وہاں این و آں نہیں ہے

فگار اناوی

---

---

ان پہ قربان ہر خوشی کر دی
زندگی نذر زندگی کر دی

فگار اناوی

---

---

یقین وعدۂ فردا ہمیں باور نہیں آتا
زباں سے لاکھ کہئے آپ کے تیور نہیں کہتے

فگار اناوی

---

---

آداب عاشقی سے تو ہم بے خبر نہ تھے
دیوانے تھے ضرور مگر اس قدر نہ تھے

فگار اناوی

---

---