acha ke laen kisi bhi yatim bachche ko
aur us ke hath se taKHliq-e-kainat karen

Farhat Ehsas

---

---

aDa wasia hai us ke jamal ka manzar
wo aaine mein to bas muKHtasar sa rahta hai

Farhat Ehsas

---

---

aurten kaam pe nikli thin badan ghar rakh kar
jism KHali jo nazar aae to mard aa baiThe

Farhat Ehsas

---

---

ai sadaf sun tujhe phir yaad dila deta hun
main ne ek chiz tujhe di thi guhar karne ko

Farhat Ehsas

---

---

ai KHuda meri ragon mein dauD ja
shaKH-e-dil par ek hari patti nikal

Farhat Ehsas

---

---

ab dekhta hun main to wo asbab hi nahin
lagta hai raste mein kahin khul gaya badan

Farhat Ehsas

---

---

aankh bhar dekh lo ye virana
aaj kal mein ye shahr hota hai

Farhat Ehsas

---

---

aaankhon ki pyaliyon mein barish machi hui hai
sahra mein koi manzar shadab aa raha hai

Farhat Ehsas

---

---

ek raat wo gaya tha jahan baat rok ke
ab tak ruka hua hun wahin raat rok ke

Farhat Ehsas

---

---