kabhi is raushni ki qaid se bahar bhi niklo tum
hujum-e-husn ne sara sarapa gher rakkha hai

Farhat Ehsas

---

---

jo ishq chahta hai wo hona nahin hai aaj
KHud ko bahaal karna hai khona nahin hai aaj

Farhat Ehsas

---

---

jism ka kuza hai apna aur na ye dariya-e-jaan
jo laga lega labon se us mein bhar jaenge hum

Farhat Ehsas

---

---

jise bhi pyas bujhani ho mere pas rahe
kabhi bhi apne labon se chhalakne lagta hun

Farhat Ehsas

---

---

jab us ko dekhte rahne se thakne lagta hun
to apne KHwab ki palken jhapakne lagta hun

Farhat Ehsas

---

---

jaan ye sarkashi-e-jism tere bas ki nahin
meri aaghosh mein aa la ye musibat mujhe de

Farhat Ehsas

---

---

ishq mein pine ka pani bas aankh ka pani
khane mein bas patthar khae ja sakte the

Farhat Ehsas

---

---

ilaj apna karaate phir rahe ho jaane kis kis se
mohabbat kar ke dekho na mohabbat kyun nahin karte

Farhat Ehsas

---

---

aa mujhe chhu ke hara rang bichha de mujh par
main bhi ek shaKH si rakhta hun shajar karne ko

Farhat Ehsas

---

---