hijr o visal charagh hain donon tanhai ke taqon mein
akasr donon gul rahte hain aur jala karta hun main

Farhat Ehsas

---

---

har gali kuche mein rone ki sada meri hai
shahr mein jo bhi hua hai wo KHata meri hai

Farhat Ehsas

---

---

hamein jab apna taaruf karna paDta hai
na jaane kitne dukhon ko dabana paDta hai

Farhat Ehsas

---

---

hamein jab apna taaruf karana paDta hai
na jaane kitne dukhon ko dabana paDta hai

Farhat Ehsas

---

---

hamari aankhon mein bas gaya hai ajib punjab aansuon ka
idhar se rawi chala udhar se chanab tayyar ho raha hai

Farhat Ehsas

---

---

hamara zinda rahna aur marna ek jaisa hai
hum apne yaum-e-paidaish ko bhi barsi samajhte hain

Farhat Ehsas

---

---

farar ho gai hoti kabhi ki ruh meri
bas ek jism ka ehsan rok leta hai

Farhat Ehsas

---

---