uh ghabrai hui phirti hai meri lash par
kya janaze par mere KHat ka jawab aane ko hai

Fani Badayuni

---

---

muskurae wo haal-e-dil sun kar
aur goya jawab tha hi nahin

Fani Badayuni

---

---

na ibtida ki KHabar hai na intiha malum
raha ye wahm ki hum hain so wo bhi kya malum

Fani Badayuni

---

---

na intiha ki KHabar hai na intiha malum
raha ye wahm ki hum hain so ye bhi kya malum

Fani Badayuni

---

---

na-mehrbaniyon ka gila tum se kya karen
hum bhi kuchh apne haal pe ab mehrban nahin

Fani Badayuni

---

---

na-umidi maut se kahti hai apna kaam kar
aas kahti hai Thahar KHat ka jawab aane ko hai

Fani Badayuni

---

---

nahin zarur ki mar jaen jaan-nisar tere
yahi hai maut ki jina haram ho jae

Fani Badayuni

---

---

phir kisi ki yaad ne taDpa diya
phir kaleja tham kar hum rah gae

Fani Badayuni

---

---

one ke bhi aadab hua karte hain 'fani'
ye us ki gali hai tera gham-KHana nahin hai

Fani Badayuni

---

---