dair mein ya haram mein guzregi
umr tere hi gham mein guzregi

Fani Badayuni

---

---

aankh uThai hi thi ki khai choT
bach gai aankh dil pe aai choT

Fani Badayuni

---

---

har ke saqi jam-e-mai ek aur la aur jald la
un nashili ankhDiyon mein phir hijab aane ko hai

Fani Badayuni

---

---

ahla na dil na tirgi-e-sham-e-gham gai
ye jaanta to aag lagata na ghar ko main

Fani Badayuni

---

---

apni jannat mujhe dikhla na saka tu waiz
kucha-e-yar mein chal dekh le jannat meri

Fani Badayuni

---

---

apni hi nigahon ka ye nazzara kahan tak
is marhala-e-sai-e-tamasha se guzar ja

Fani Badayuni

---

---

ai be-KHudi Thahr ki bahut din guzar gae
mujh ko KHayal-e-yar kahin DhunDta na ho

Fani Badayuni

---

---

ab nae sur se chheD parda-e-saz
main hi tha ek dukh-bhari aawaz

Fani Badayuni

---

---

aate hain ayaadat ko to karte hain nasihat
ahbab se gham-KHwar hua bhi nahin jata

Fani Badayuni

---

---