mujhe bula ke yahan aap chhup gaya koi
wo mehman hun jise mezban nahin milta

Fani Badayuni

---

---

mujh tak us mahfil mein phir jam-e-sharab aane ko hai
umr-e-rafta palTi aati hai shabab aane ko hai

Fani Badayuni

---

---

meri hawas ko aish-e-do-alam bhi tha qubul
tera karam ki tu ne diya dil dukha hua

Fani Badayuni

---

---

mere junun ko zulf ke sae se dur rakh
raste mein chhanw pa ke musafir Thahar na jae

Fani Badayuni

---

---

maut ka intizar baqi hai
aap ka intizar tha na raha

Fani Badayuni

---

---

maut aane tak na aae ab jo aae ho to hae
zindagi mushkil hi thi marna bhi mushkil ho gaya

Fani Badayuni

---

---

maujon ki siyasat se mayus na ho 'fani'
girdab ki har tah mein sahil nazar aata hai

Fani Badayuni

---

---

mar ke TuTa hai kahin silsila-e-qaid-e-hayat
magar itna hai ki zanjir badal jati hai

Fani Badayuni

---

---

main ne 'fani' Dubti dekhi hai nabz-e-kaenat
jab mizaj-e-yar kuchh barham nazar aaya mujhe

Fani Badayuni

---

---