wada jhuTa kar liya chaliye tasalli ho gai
hai zara si baat KHush karna dil-e-nashad ka

Dagh Dehlvi

---

---

waiz baDa maza ho agar yun azab ho
dozaKH mein panw hath mein jam-e-sharab ho

Dagh Dehlvi

---

---

wafa karenge nibahenge baat manenge
tumhein bhi yaad hai kuchh ye kalam kis ka tha

Dagh Dehlvi

---

---

wo din gae ki 'dagh' thi har dam buton ki yaad
paDhte hain panch waqt ki ab to namaz hum

Dagh Dehlvi

---

---

wo jate hain aati hai qayamat ki sahar aaj
rota hai duaon se gale mil ke asar aaj

Dagh Dehlvi

---

---

wo jab chale to qayamat bapa thi chaaron taraf
Thahar gae to zamane ko inqalab na tha

Dagh Dehlvi

---

---

wo kahte hain kya zor uThaoge tum ai 'dagh'
tum se to mera naz uThaya nahin jata

Dagh Dehlvi

---

---

wo zamana bhi tumhein yaad hai tum kahte the
dost duniya mein nahin 'dagh' se behtar apna

Dagh Dehlvi

---

---

ye gustaKHi ye chheD achchhi nahin hai ai dil-e-nadan
abhi phir ruTh jaenge abhi to man ke baiThe hain

Dagh Dehlvi

---

---