marg-e-dushman ka ziyaada tum se hai mujh ko malal
dushmani ka lutf shikwon ka maza jata raha

Dagh Dehlvi

---

---

mere qabu mein na pahron dil-e-nashad aaya
wo mera bhulne wala jo mujhe yaad aaya

Dagh Dehlvi

---

---

'mir' ka rang baratna nahin aasan ai 'dagh'
apne diwan se mila dekhiye diwan un ka

Dagh Dehlvi

---

---

milate ho usi ko KHak mein jo dil se milta hai
meri jaan chahne wala baDi mushkil se milta hai

those who meet you lovingly then into dust you grind
those who bear affection, dear, are very hard to find

Dagh Dehlvi

---

---

meri aah ka tum asar dekh lena
wo aaenge thame jigar dekh lena

Dagh Dehlvi

---

---

mujh gunahgar ko jo baKHsh diya
to jahannam ko kya diya tu ne

if you have forgiven offences such as mine
then to nether world what did you consign

Dagh Dehlvi

---

---

mujh ko maza hai chheD ka dil manta nahin
gali sune baghair sitam-gar kahe baghai

Dagh Dehlvi

---

---

mujhe yaad karne se ye muddaa tha
nikal jae dam hichkiyan aate aate

Dagh Dehlvi

---

---

na jaana ki duniya se jata hai koi
bahut der ki mehrban aate aate

Dagh Dehlvi

---

---