sab log jidhar wo hain udhar dekh rahe hain
hum dekhne walon ki nazar dekh rahe hain

Dagh Dehlvi

---

---

sabaq aisa paDha diya tu ne
dil se sab kuchh bhula diya tu ne

Dagh Dehlvi

---

---

samjho patthar ki tum lakir use
jo hamari zaban se nikla

Dagh Dehlvi

---

---

sar mera kaT ke pachhtaiyega
jhuTi phir kis ki qasam khaiyega

Dagh Dehlvi

---

---

shab-e-wasl ki kya kahun dastan
zaban thak gai guftugu rah gai

Dagh Dehlvi

---

---

shab-e-wasl zid mein basar ho gai
nahin hote hote sahar ho gai

Dagh Dehlvi

---

---

shab-e-visal hai gul kar do in charaghon ko
KHushi ki bazm mein kya kaam jalne walon ka

Dagh Dehlvi

---

---

shirkat-e-gham bhi nahin chahti ghairat meri
ghair ki ho ke rahe ya shab-e-furqat meri

Dagh Dehlvi

---

---

shoKHi se Thaharti nahin qatil ki nazar aaj
ye barq-e-bala dekhiye girti hai kidhar aaj

Dagh Dehlvi

---

---