sitam hi karna jafa hi karna nigah-e-ulfat kabhi na karna
tumhein qasam hai hamare sar ki hamare haq mein kami na karna

Dagh Dehlvi

---

---

sun ke mera fasana unhen lutf aa gaya
sunta hun ab ki roz talab qissa-KHwan ki hai

Dagh Dehlvi

---

---

sunai jati hain dar-parda galiyan mujh ko
kahun jo main to kahe aap se kalam nahin

Dagh Dehlvi

---

---

tabiat koi din mein bhar jaegi
chaDhi hai ye naddi utar jaegi

Dagh Dehlvi

---

---

tadbir se qismat ki burai nahin jati
bigDi hui taqdir banai nahin jati

Dagh Dehlvi

---

---

tamasha-e-dair-o-haram dekhte hain
tujhe har bahane se hum dekhte hain

Dagh Dehlvi

---

---

Thokar bhi rah-e-ishq mein khani zarur hai
chalta nahin hun rah ko hamwar dekh ka

Dagh Dehlvi

---

---

tum agar apni gun ke ho mashuq
apne matlab ke yar hum bhi hain

Dagh Dehlvi

---

---

tum ko aashufta-mizajon ki KHabar se kya kaam
tum sanwara karo baiThe hue gesu apne

Dagh Dehlvi

---

---