آج نکلے یاد کی زنبیل سے
مور کے ٹوٹے ہوئے دو چار پر

اظہر ادیب

---

---

ہمارے نام کی تختی بھی ان پہ لگ نہ سکی
لہو میں گوندھ کے مٹی جو گھر بنائے گئے

اظہر ادیب

---

---

ہمیں روکو نہیں ہم نے بہت سے کام کرنے ہیں
کسی گل میں مہکنا ہے کسی بادل میں رہنا ہے

اظہر ادیب

---

---

ہوا کو ضد کہ اڑائے گی دھول ہر صورت
ہمیں یہ دھن ہے کہ آئینہ صاف کرنا ہے

اظہر ادیب

---

---

اس لیے میں نے محافظ نہیں رکھے اپنے
مرے دشمن مرے اس جسم سے باہر کم ہیں

اظہر ادیب

---

---

اتنا بھی انحصار مرے سائے پر نہ کر
کیا جانے کب یہ موم کی دیوار گر پڑے

اظہر ادیب

---

---

جب بھی چاہوں تیرا چہرا سوچ سکوں
بس اتنی سی بات مرے امکان میں رکھ

اظہر ادیب

---

---

جو زندگی کی مانگ سجاتے رہے سدا
قسطوں میں بانٹ کر انہیں جینا دیا گیا

اظہر ادیب

---

---

کبھی اس سے دعا کی کھیتیاں سیراب کرنا
جو پانی آنکھ کے اندر کہیں ٹھہرا ہوا ہے

اظہر ادیب

---

---