ہمارے نام کی تختی بھی ان پہ لگ نہ سکی
لہو میں گوندھ کے مٹی جو گھر بنائے گئے

اظہر ادیب

---

---

آج نکلے یاد کی زنبیل سے
مور کے ٹوٹے ہوئے دو چار پر

اظہر ادیب

---

---

ہم نے گھر کی سلامتی کے لئے
خود کو گھر سے نکال رکھا ہے

اظہر ادیب

---

---

غزل اس کے لئے کہتے ہیں لیکن درحقیقت ہم
گھنے جنگل میں کرنوں کے لئے رستہ بناتے ہیں

اظہر ادیب

---

---

ایک لمحے کو سہی اس نے مجھے دیکھا تو ہے
آج کا موسم گزشتہ روز سے اچھا تو ہے

اظہر ادیب

---

---

دونوں ہاتھوں سے چھپا رکھا ہے منہ
آئنے کے وار سے ڈرتا ہوں میں

اظہر ادیب

---

---

دیر لگتی ہے بہت لوٹ کے آتے آتے
اور وہ اتنے میں ہمیں بھول چکا ہوتا ہے

اظہر ادیب

---

---

دشت شب میں پتا ہی نہیں چل سکا
اپنی آنکھیں گئیں یا ستارے گئے

اظہر ادیب

---

---

بے خوابی کب چھپ سکتی ہے کاجل سے بھی
جاگنے والی آنکھ میں لالی رہ جاتی ہے

اظہر ادیب

---

---