wo naghma bulbul-e-rangin-nawa ek bar ho jae
kali ki aankh khul jae chaman bedar ho jae

Asghar Gondvi

---

---

wo shorishen nizam-e-jahan jin ke dam se hai
jab muKHtasar kiya unhen insan bana diya

Asghar Gondvi

---

---

yahan kotahi-e-zauq-e-amal hai KHud giraftari
jahan bazu simaTte hain wahin sayyaad hota hai

Asghar Gondvi

---

---

yahan kotahi-e-zauq-e-amal hai KHud giraftari
jahan bazu simaTte hain wahin sayyaad hota hai

Asghar Gondvi

---

---

ye aastan-e-yar hai sehn-e-haram nahin
jab rakh diya hai sar to uThana na chahiye

Asghar Gondvi

---

---

ye bhi fareb se hain kuchh dard aashiqi ke
hum mar ke kya karenge kya kar liya hai ji ke

Asghar Gondvi

---

---

yun muskurae jaan si kaliyon mein paD gai
yun lab-kusha hue ki gulistan bana diya

Asghar Gondvi

---

---

zahid ne mera hasil-e-iman nahin dekha
ruKH par teri zulfon ko pareshan nahin dekha

the priest has seen my piety, he hasn't seen your grace
he has not seen your tresses strewn across your face

Asghar Gondvi

---

---

zulf thi jo bikhar gai ruKH tha ki jo nikhar gaya
hae wo sham ab kahan hae wo ab sahar kahan

Asghar Gondvi

---

---