dastan un ki adaon ki hai rangin lekin
is mein kuchh KHun-e-tamanna bhi hai shamil apna

Asghar Gondvi

---

---

aalam se be-KHabar bhi hun aalam mein bhi hun main
saqi ne is maqam ko aasan bana diya

Asghar Gondvi

---

---

aariz-e-nazuk pe un ke rang sa kuchh aa gaya
in gulon ko chheD kar hum ne gulistan kar diya

Asghar Gondvi

---

---

ai shaiKH wo basit haqiqat hai kufr ki
kuchh qaid-e-rasm ne jise iman bana diya

Asghar Gondvi

---

---

aks kis chiz ka aaina-e-hairat mein nahin
teri surat mein hai kya jo meri surat mein nahin

Asghar Gondvi

---

---

allah-re chashm-e-yar ki mojiz-bayaniyan
har ek ko hai guman ki muKHatab hamin rahe

Asghar Gondvi

---

---

'asghar' ghazal mein chahiye wo mauj-e-zindagi
jo husn hai buton mein jo masti sharab mein

Asghar Gondvi

---

---

'asghar' harim-e-ishq mein hasti hi jurm hai
rakhna kabhi na panw yahan sar liye hue

Asghar Gondvi

---

---

'asghar' se mile lekin 'asghar' ko nahin dekha
ashaar mein sunte hain kuchh kuchh wo numayan hai

Asghar Gondvi

---

---