har ek jagah teri barq-e-nigah dauD gai
gharaz ye hai ki kisi chiz ko qarar na ho
Asghar Gondvi
ek ada ek hijab ek shoKHi
nichi nazron mein kya nahin hota
all, shyness, mischief and coquetry
in her lowered glance, are there to see
Asghar Gondvi
ishq ki betabiyon par husn ko rahm aa gaya
jab nigah-e-shauq taDpi parda-e-mahmil na tha
Asghar Gondvi
jina bhi aa gaya mujhe marna bhi aa gaya
pahchanne laga hun tumhaari nazar ko main
Asghar Gondvi
kuchh milte hain ab puKHtagi-e-ishq ke aasar
nalon mein rasai hai na aahon mein asar hai
Asghar Gondvi
kya kya hain dard-e-ishq ki fitna-taraaziyan
hum iltifat-e-KHas se bhi bad-guman rahe
Asghar Gondvi
kya mastiyan chaman mein hain josh-e-bahaar se
har shaKH-e-gul hai hath mein saghar liye hue
Asghar Gondvi
lazzat-e-sajda-ha-e-shauq na puchh
hae wo ittisal-e-naz-o-niyaz
Asghar Gondvi
log marte bhi hain jite bhi hain betab bhi hain
kaun sa sehr teri chashm-e-inayat mein nahin
Asghar Gondvi