jab talak aazad the har ek masafat thi wabaal
jab paDi zanjir pairon mein safar achchhe lage

Asad Badayuni

---

---

aate hain barg-o-bar daraKHton ke jism par
tum bhi uThao hath ki mausam dua ka hai

Asad Badayuni

---

---

hawa daraKHton se kahti hai dukh ke lahje mein
abhi mujhe kai sahraon se guzarna hai

Asad Badayuni

---

---

ghairon ko kya paDi hai ki ruswa karen mujhe
in sazishon mein hath kisi aashna ka hai

what is it to strangers to spread this calumny
the conspiracy is the work of someone close to me

Asad Badayuni

---

---

ganw ki aankh se basti ki nazar se dekha
ek hi rang hai duniya ko jidhar se dekha

Asad Badayuni

---

---

dekhne ke liye sara aalam bhi kam
chahne ke liye ek chehra bahut

Asad Badayuni

---

---

chashm-e-inkar mein iqrar bhi ho sakta tha
chheDne ko mujhe phir meri ana puchhti hai

Asad Badayuni

---

---

chaman wahi ki jahan par labon ke phul khilen
badan wahi ki jahan raat ho gawara bhi

Asad Badayuni

---

---

ichhaD ke tujh se kisi dusre pe marna hai
ye tajraba bhi isi zindagi mein karna hai

Asad Badayuni

---

---