phulon ki tazgi hi nahin dekhne ki chiz
kanTon ki samt bhi to nigahen uTha ke dekh

Asad Badayuni

---

---

parind peD se parwaz karte jate hain
ki bastiyon ka muqaddar badalta jata hai

Asad Badayuni

---

---

parind kyun meri shaKHon se KHauf khate hain
ki ek daraKHt hun aur saya-dar main bhi hun

Asad Badayuni

---

---

mohabbaten bhi usi aadmi ka hissa thin
magar ye baat purane zamane wali hai

Asad Badayuni

---

---

mere badan pe zamanon ki zang hai lekin
main kaise dekhun shikasta hai aaina mera

Asad Badayuni

---

---

meri ruswai ke asbab hain mere andar
aadmi hun so bahut KHwab hain mere anda

Asad Badayuni

---

---

leta nahin kisi ka pas-e-marg koi nam
duniya ko dekhna hai to duniya se ja ke dekh

Asad Badayuni

---

---

aate hain barg-o-bar daraKHton ke jism par
tum bhi uThao hath ki mausam dua ka hai

Asad Badayuni

---

---

kabhi mauj-e-KHwab mein kho gaya kabhi thak ke ret pe so gaya
yunhi umr sari guzar di faqat aarzu-e-visal mein

Asad Badayuni

---

---