purane ghar ki shikasta chhaton se ukta kar
nae makan ka naqsha banata rahta hun

Asad Badayuni

---

---

leta nahin kisi ka pas-e-marg koi nam
duniya ko dekhna hai to duniya se ja ke dekh

Asad Badayuni

---

---

meri ruswai ke asbab hain mere andar
aadmi hun so bahut KHwab hain mere anda

Asad Badayuni

---

---

mere badan pe zamanon ki zang hai lekin
main kaise dekhun shikasta hai aaina mera

Asad Badayuni

---

---

mohabbaten bhi usi aadmi ka hissa thin
magar ye baat purane zamane wali hai

Asad Badayuni

---

---

parind kyun meri shaKHon se KHauf khate hain
ki ek daraKHt hun aur saya-dar main bhi hun

Asad Badayuni

---

---

parind peD se parwaz karte jate hain
ki bastiyon ka muqaddar badalta jata hai

Asad Badayuni

---

---

phulon ki tazgi hi nahin dekhne ki chiz
kanTon ki samt bhi to nigahen uTha ke dekh

Asad Badayuni

---

---

wo sari baaten main ahbab hi se kahta hun
mujhe harif ko jo kuchh sunana hota hai

Asad Badayuni

---

---