kisi rais ki mahfil ka zikr hi kya hai
KHuda ke ghar bhi na jaenge bin bulae hue

Ameer Minai

---

---

lae kahan se us ruKH-e-raushan ki aab-o-tab
beja nahin jo sharm se hai aab aab shama

Ameer Minai

---

---

lutf aane laga jafaon mein
wo kahin mehrban na ho jae

I've started to enjoy her tortures by and by
I hope she doesn't now decide to

Ameer Minai

---

---

mang lun tujh se tujhi ko ki sabhi kuchh mil jae
sau sawalon se yahi ek sawal achchha hai

Ameer Minai

---

---

mani hain main ne saikaDon baaten tamam umr
aaj aap ek baat meri man jaiye

All my life I have agreed to everything you say
merely one request of mine please accept today

Ameer Minai

---

---

masjid mein bulate hain hamein zahid-e-na-fahm
hota kuchh agar hosh to mai-KHane na jate

Ameer Minai

---

---

mauquf jurm hi pe karam ka zuhur tha
bande agar qusur na karte qusur tha

Ameer Minai

---

---

mila kar KHak mein bhi hae sharm un ki nahin jati
nigah nichi kiye wo samne madfan ke baiThe hain

Ameer Minai

---

---

mili hai duKHtar-e-raz laD-jhagaD ke qazi se
jihad kar ke jo aurat mile haram nahin

Ameer Minai

---

---