tujh se mangun main tujhi ko ki sabhi kuchh mil jae
sau sawalon se yahi ek sawal achchha hai

Ameer Minai

---

---

tum ko aata hai pyar par ghussa
mujh ko ghusse pe pyar aata hai

Ameer Minai

---

---

tul-e-shab-e-firaq ka qissa na puchhiye
mahshar talak kahun main agar muKHtasar kahun

Ameer Minai

---

---

ulfat mein barabar hai wafa ho ki jafa ho
har baat mein lazzat hai agar dil mein maza ho

Ameer Minai

---

---

us ki hasrat hai jise dil se miTa bhi na sakun
DhunDne us ko chala hun jise pa bhi na sakun

The one that I desire, this heart cannot displace
The one who is unattainable I seek to embrace

Ameer Minai

---

---

wae qismat wo bhi kahte hain bura
hum bure sab se hue jin ke liye

Ameer Minai

---

---

wahi rah jate hain zabanon par
sher jo intiKHab hote hain

Ameer Minai

---

---

wasl ho jae yahin hashr mein kya rakkha hai
aaj ki baat ko kyun kal pe uTha rakkha hai

Ameer Minai

---

---

wasl ka din aur itna muKHtasar
din gine jate the is din ke liye

Ameer Minai

---

---