tawaqqoa hai dhoke mein aa kar wo paDh len
ki likkha hai nama unhen KHat badal ka

Ameer Minai

---

---

shab-e-furqat ka jaga hun farishto ab to sone do
kabhi fursat mein kar lena hisab aahista aahista

I haven't slept since parting eve, O Angels, I request
I'll settle your accounts at leisure for now let me rest

Ameer Minai

---

---

shab-e-visal bahut kam hai aasman se kaho
ki joD de koi TukDa shab-e-judai ka

Ameer Minai

---

---

shaiKH kahta hai barhaman ko barhaman us ko saKHt
kaba o but-KHana mein patthar hai patthar ka jawa

Ameer Minai

---

---

shauq kahta hai pahunch jaun main ab kabe mein jald
rah mein but-KHana paDta hai ilahi kya karun

Ameer Minai

---

---

sidhi nigah mein teri hain tir ke KHwas
tirchhi zara hui to hain shamshir ke KHwas

Ameer Minai

---

---

taraf-e-kaba na ja haj ke liye nadan hai
ghaur kar dekh ki hai KHana-e-dil maskan-e-dost

Ameer Minai

---

---

tum ko aata hai pyar par ghussa
mujh ko ghusse pe pyar aata hai

Ameer Minai

---

---

tujh se mangun main tujhi ko ki sabhi kuchh mil jae
sau sawalon se yahi ek sawal achchha hai

Ameer Minai

---

---