faqat nigah se hota hai faisla dil ka
na ho nigah mein shoKHi to dilbari kya hai
Allama Iqbal
firqa-bandi hai kahin aur kahin zaten hain
kya zamane mein panapne ki yahi baaten hain
Allama Iqbal
fitrat ko KHirad ke ru-ba-ru kar
tasKHir-e-maqam-e-rang-o-bu ka
Allama Iqbal
gala to ghonT diya ahl-e-madarsa ne tera
kahan se aae sada la ilah il-lallah
Allama Iqbal
gesu-e-tabdar ko aur bhi tabdar kar
hosh o KHirad shikar kar qalb o nazar shikar ka
Allama Iqbal
ghulami mein na kaam aati hain shamshiren na tadbiren
jo ho zauq-e-yaqin paida to kaT jati hain zanjiren
Allama Iqbal
gulzar-e-hast-e-bud na begana-war dekh
hai dekhne ki chiz ise bar bar dekh
Allama Iqbal
guzar ja aql se aage ki ye nur
charagh-e-rah hai manzil nahin hai
go beyond knowledge for its illumination
is the lamp to light the way, not the destination
Allama Iqbal
han dikha de ai tasawwur phir wo subh o sham tu
dauD pichhe ki taraf ai gardish-e-ayyam tu
Allama Iqbal