nigah buland suKHan dil-nawaz jaan pur-soz
yahi hai raKHt-e-safar mir-e-karwan ke liye
Allama Iqbal
nigah-e-ishq dil-e-zinda ki talash mein hai
shikar-e-murda saza-war-e-shahbaz nahin
Allama Iqbal
nasha pila ke girana to sab ko aata hai
maza to tab hai ki girton ko tham le saqi
Allama Iqbal
nahin tera nasheman qasr-e-sultani ke gumbad par
tu shahin hai basera kar pahaDon ki chaTanon mein
Allama Iqbal
nahin is khuli faza mein koi gosha-e-faraghat
ye jahan ajab jahan hai na qafas na aashiyana
Allama Iqbal
nahin hai na-umid 'iqbaal' apni kisht-e-viran se
zara nam ho to ye miTTi bahut zarKHez hai saqi
Allama Iqbal
masjid to bana di shab bhar mein iman ki hararat walon ne
man apna purana papi hai barson mein namazi ban na saka
Allama Iqbal
maqam-e-shauq tere qudsiyon ke bas ka nahin
unhin ka kaam hai ye jin ke hausle hain ziyaad
Allama Iqbal
man ki daulat hath aati hai to phir jati nahin
tan ki daulat chhanw hai aata hai dhan jata hai dhan
Allama Iqbal