ah-o-rasm-e-mohabbat in hasinon se main kya rakkhun
jahan tak dekhta hun nafa un ka hai zarar apna

Akbar Allahabadi

---

---

ahta hai ibaadat mein hamein maut ka khaTka
hum yaad-e-KHuda karte hain, kar le na KHuda yaad

As I pray I am afraid that death should not befall
While I do remember God, he should not recall

Akbar Allahabadi

---

---

aqibon ne rapaT likhwai hai ja ja ke thane mein
ki 'akbar' nam leta hai KHuda ka is zamane mein

Akbar Allahabadi

---

---

sab ho chuke hain us but-e-kafir-ada ke sath
rah jaenge rasul hi bas ab KHuda ke sath

Akbar Allahabadi

---

---

samajh mein saf aa jae fasahat is ko kahte hain
asar ho sunne wale par balaghat is ko kahte hain

Akbar Allahabadi

---

---

sau jaan se ho jaunga raazi main saza par
pahle wo mujhe apna gunahgar to kar le

Akbar Allahabadi

---

---

shaiKH apni rag ko kya karen reshe ko kya karen
mazhab ke jhagDe chhoDen to peshe ko kya karen

Akbar Allahabadi

---

---

shaiKH ki dawat mein mai ka kaam kya
ehtiyatan kuchh manga li jaegi

Akbar Allahabadi

---

---

sidhaaren shaiKH kaba ko hum inglistan dekhenge
wo dekhen ghar KHuda ka hum KHuda ki shan dekhenge

Akbar Allahabadi

---

---