mere hawas ishq mein kya kam hain muntashir
majnun ka nam ho gaya qismat ki baat hai

Akbar Allahabadi

---

---

mazhabi bahs main ne ki hi nahin
faltu aql mujh mein thi hi nahin

from sectarian debate refrained
for I was not so scatter-brained

Akbar Allahabadi

---

---

maut aai ishq mein to hamein nind aa gai
nikli badan se jaan to kanTa nikal gaya

Akbar Allahabadi

---

---

marub ho gae hain wilayat se shaiKH-ji
ab sirf mana karte hain desi sharab ko

Akbar Allahabadi

---

---

main hun kya chiz jo us tarz pe jaun 'akbar'
'nasiKH' o 'zauq' bhi jab chal na sake 'mir' ke sath

Akbar Allahabadi

---

---

main bhi graduate hun tum bhi graduate
ilmi mubahise hon zara pas aa ke leT

Akbar Allahabadi

---

---

kuchh tarz-e-sitam bhi hai kuchh andaz-e-wafa bhi
khulta nahin haal un ki tabiat ka zara bhi

Akbar Allahabadi

---

---

kuchh nahin kar-e-falak hadsa-pashi ke siwa
falsafa kuchh nahin alfaz-tarashi ke siwa

Akbar Allahabadi

---

---

kuchh allahabad mein saman nahin bahbud ke
yan dhara kya hai ba-juz akbar ke aur amrud ke

Akbar Allahabadi

---

---