kuchh allahabad mein saman nahin bahbud ke
yan dhara kya hai ba-juz akbar ke aur amrud ke

Akbar Allahabadi

---

---

kuchh nahin kar-e-falak hadsa-pashi ke siwa
falsafa kuchh nahin alfaz-tarashi ke siwa

Akbar Allahabadi

---

---

kuchh tarz-e-sitam bhi hai kuchh andaz-e-wafa bhi
khulta nahin haal un ki tabiat ka zara bhi

Akbar Allahabadi

---

---

kya hi rah rah ke tabiat meri ghabraati hai
maut aati hai shab-e-hijr na nind aati hai

Akbar Allahabadi

---

---

leaderon ki dhum hai aur follower koi nahin
sab to general hain yahan aaKHir sipahi kaun hai

Akbar Allahabadi

---

---

log kahte hain ki bad-nami se bachna chahiye
kah do be is ke jawani ka maza milta nahin

Akbar Allahabadi

---

---

log kahte hain badalta hai zamana sab ko
mard wo hain jo zamane ko badal dete hain

Akbar Allahabadi

---

---

lipaT bhi ja na ruk 'akbar' ghazab ki beauty hai
nahin nahin pe na ja ye haya ki duty hai

Akbar Allahabadi

---

---

public mein zara hath mila lijiye mujh se
sahab mere iman ki qimat hai to ye hai

Akbar Allahabadi

---

---