main bhi graduate hun tum bhi graduate
ilmi mubahise hon zara pas aa ke leT

Akbar Allahabadi

---

---

main hun kya chiz jo us tarz pe jaun 'akbar'
'nasiKH' o 'zauq' bhi jab chal na sake 'mir' ke sath

Akbar Allahabadi

---

---

marub ho gae hain wilayat se shaiKH-ji
ab sirf mana karte hain desi sharab ko

Akbar Allahabadi

---

---

maut aai ishq mein to hamein nind aa gai
nikli badan se jaan to kanTa nikal gaya

Akbar Allahabadi

---

---

mazhabi bahs main ne ki hi nahin
faltu aql mujh mein thi hi nahin

from sectarian debate refrained
for I was not so scatter-brained

Akbar Allahabadi

---

---

mere hawas ishq mein kya kam hain muntashir
majnun ka nam ho gaya qismat ki baat hai

Akbar Allahabadi

---

---

meri ye bechainiyan aur un ka kahna naz se
hans ke tum se bol to lete hain aur hum kya karen

Akbar Allahabadi

---

---

mera mohtaj hona to meri haalat se zahir hai
magar han dekhna hai aap ka hajat-rawa hona

Akbar Allahabadi

---

---

mohabbat ka tum se asar kya kahun
nazar mil gai dil dhaDakne laga

Akbar Allahabadi

---

---