abru na sanwara karo kaT jaegi ungli
nadan ho talwar se khela nahin karte

Agha Shayar Qazalbash

---

---

KHwab mein aankhen jo talwon se malin
bole uff uff panw mera chhil gaya

Ameer Minai

---

---

mohabbat phul banne par lagi thi
palaT kar phir kali kar li hai main ne

Farhat Ehsas

---

---

aap ki nazuk kamar par bojh paDta hai bahut
baDh chale hain had se gesu kuchh inhen kam kijiye

Haidar Ali Aatish

---

---

nazakat us gul-e-rana ki dekhiyo 'insha'
nasim-e-subh jo chhu jae rang ho maila

Insha Allah Khan u0027Inshau0027

---

---

allah-re nazuki ki jawab-e-salam mein
hath us ka uTh ke rah gaya mehndi ke bojh se

Riyaz Khairabadi

---

---