lab-e-nazuk ke bose lun to missi munh banati hai
kaf-e-pa ko agar chumun to mehndi rang lati hai

Aasi Ghazipuri

---

---

donon ka milna mushkil hai donon hain majbur bahut
us ke panw mein mehndi lagi hai mere panw mein chhaale hain

Ameeq Hanafi

---

---

mehndi lagane ka jo KHayal aaya aap ko
sukhe hue daraKHt hina ke hare hue

Haidar Ali Aatish

---

---

mal rahe hain wo apne ghar mehndi
hum yahan eDiyan ragaDte hain

Lala Madhav Ram Jauhar

---

---

hum gunahgaron ke kya KHun ka phika tha rang
mehndi kis waste hathon pe rachai pyare

Mirza Azfari

---

---

allah-re nazuki ki jawab-e-salam mein
hath us ka uTh ke rah gaya mehndi ke bojh se

Riyaz Khairabadi

---

---

mehndi lagae baiThe hain kuchh is ada se wo
muTThi mein un ki de de koi dil nikal ke

Riyaz Khairabadi

---

---