kamre mein dhuan dard ki pahchan bana tha
kal raat koi phir mera mehman bana tha

Abrar Azmi

---

---

sameT le gae sab rahmaten kahan mehman
makan kaTta phirta hai mezbanon ko

Asif Saqib

---

---

yaqin barson ka imkan kuchh dinon ka hun
main tere shahr mein mehman kuchh dinon ka hun

Athar Nasik

---

---

na jab tak koi ham-pyala ho main mai nahin pita
nahin mehman to faqa hai KHalilullah ke ghar mein

Haidar Ali Aatish

---

---

duniya mein hum rahe to kai din pa is tarah
dushman ke ghar mein jaise koi mehman rahe

I did stay in this world but twas in such a way
a guest who in the house of his enemy does stay

Qayem Chandpuri

---

---

tanhai ka ek aur maza luT raha hun
mehman mere ghar mein bahut aae hue hain

Shuja Khaavar

---

---