ye dil lagane mein main ne maza uThaya hai
mila na dost to dushman se ittihad kiya

Haidar Ali Aatish

---

---

ya wafa hi na thi zamane mein
ya magar doston ne ki hi nahin

Ismail Merathi

---

---

doston aur dushmanon mein kis tarah tafriq ho
doston aur dushmanon ki be-ruKHi hai ek si

Jan Kashmiri

---

---

hum ko yaron ne yaad bhi na rakha
'jaun' yaron ke yar the hum to

Jaun Eliya

---

---

dagh duniya ne diye zaKHm zamane se mile
hum ko tohfe ye tumhein dost banane se mile

Kaif Bhopali

---

---

ek naya zaKHm mila ek nai umr mili
jab kisi shahr mein kuchh yar purane se mile

Kaif Bhopali

---

---

ahaaron ki nazar mein phul aur kanTe barabar hain
mohabbat kya karenge dost dushman dekhne wale

Kaleem Aajiz

---

---