ایک سائے کی طلب میں زندگی پہنچی یہاں
دور تک پھیلا ہوا ہے مجھ میں منظر دھوپ کا

طفیل چترویدی

---

---

ہم بزرگوں کی روایت سے جڑے ہیں بھائی
نیکیاں کر کے کبھی پھل نہیں مانگا کرتے

طفیل چترویدی

---

---

ہر طرف پھیلا ہوا بے سمت بے منزل سفر
بھیڑ میں رہنا مگر خود کو اکیلا دیکھنا

طفیل چترویدی

---

---

کبھی زمانہ تھا اس کی طلب میں رہتے تھے
اور اب یہ حال ہے خود کو اسی سے مانگتے ہیں

طفیل چترویدی

---

---

نفرتوں کا عکس بھی پڑنے نہ دینا ذہن پر
یہ اندھیرا جانے کتنوں کا اجالا کھا گیا

طفیل چترویدی

---

---

سبھی زخموں کے ٹانکے کھل گئے ہیں
ہمیں ہنسنا بہت مہنگا پڑا ہے

طفیل چترویدی

---

---

سفر انجام تک پہنچے تو کیسے
میں اپنے راستے میں خود کھڑا ہوں

طفیل چترویدی

---

---

اس کے وعدے کے عوض دے ڈالی اپنی زندگی
ایک سستی شے کا اونچے بھاؤ سودا کر لیا

طفیل چترویدی

---

---

وہ موسموں پر اچھالتا ہے سوال کتنے
کبھی تو یوں ہو کہ آسماں سے جواب برسے

طفیل چترویدی

---

---