ابھی سے چھوٹی ہوئی جا رہی ہیں دیواریں
ابھی تو بیٹی ذرا سی مری بڑی ہوئی ہے

شبانہ یوسف

---

---

اگر بچھڑنے کا اس سے کوئی ملال نہیں
شبانہؔ اشک سے پھر آنکھ کیوں بھری ہوئی ہے

شبانہ یوسف

---

---

اک یہی سوچ بچھڑنے نہیں دیتی تجھ سے
ہم تجھے بعد میں پھر یاد نہ آنے لگ جائیں

شبانہ یوسف

---

---

خود چراغوں کو اندھیروں کی ضرورت ہے بہت
روشنی ہو تو انہیں لوگ بجھانے لگ جائیں

شبانہ یوسف

---

---

میں ہاتھ باندھے ہوئے لوٹ آئی ہوں گھر میں
کہ میرے پرس میں اک آرزو مری ہوئی ہے

شبانہ یوسف

---

---

میرے آنے کی خبر سن کے وہ دوڑا آتا
اس کو پہنچا نہیں پیغام یہی لگتا ہے

شبانہ یوسف

---

---

مجھ کو بھی کر دے گا رسوا وہ زمانے بھر میں
خود بھی ہو جائے گا بدنام یہی لگتا ہے

شبانہ یوسف

---

---

یہ تو سوچا ہی نہیں اس کو جدا کرتے ہوئے
چن لیا ہے غم بھی خوشیوں کو رہا کرتے ہوئے

شبانہ یوسف

---

---